المطلوب للدراسات العليا والفرق بين الماجستير والدبلومه

المطلوب للدراسات العليا والفرق بين الدبلومه والماجستير

السلام عليكم ورحمة الله وبركاته

موعدنا اليوم مع نظره عامه عن الدراسات العليا

تعريفها مصاريفها مطلوباتها والفرق بين الماجستير والدبلومه
أعد هذا الموضوع
أحمد عثمان
الدكتور محمد عبدالحميد
اسلام فتحى

هناك فرق بين الماجستير والدبلومه والدكتوراه يوضحها الدكتور محمد عبدالحميد كالاتى :-

أولاً:- الماجستير

- التقدير جيد على الاقل
- الدراسة سنتان فى كل سنة 6 مواد
- الامتحان اخر العام مفيش ترم وليها دور تانى
- والنجاح من 70 مش 50
- نسبة الحضور 75% من حقك الدراسة لمدة 3 سنوات بمعنى انك لو ﻻ قدر الله نزلت ف اولى تعدها ولو نزلت تانى تمشى ولو نجحت ورحت تانية ﻻزم تنجح فى سنة واحدة لانه ملكش سنة رابعة يعني من حقك تاخد التمهيدى فى ثلاث سنين مش اكتر

ولو حصلت على التمهيدى بتقوم باختيار موضوع محاسبي بشرط انه يكون جديد وقابل للتطبيق انت اللى بتختاره مش الكلية وبتعمل مشروع تقدم من خلاه الفكرة ولو وافق عليها القسم بيعملك سيمنار تعرض فيه الفكرة ويتم اختيار عدد 2 مشرف بشرط ان تكون حاصل على شهادة التويفل 450 درجة من الاميداست او عين شمس او القاهرة بس مينفعش مكان تانى

طيب قدامي قد ايه لحد ما اسجل؟
من تاريخ حصولك على التمهيدى ليك سنتين تقدم فيهم ولو ما سجلتش خلال السنتين يتلغي التمهيدى وكأن شئ لم يكون

طيب ممكن اخد شهادة بالتمهيدى ونسميها دبلومه؟
ﻻ لو مسجلتش راح عليك التمهيدى
طيب كام سنة متاحة لكتابة الرسالة لحد ما اناقش
خمس سنين بس

وبعد الماجستير فى سنة اسمها تمهيدى دكتوراه حقك فيها سنتين بس وبعدها تقدم مشروع والتويفل 500 من الاماكن اللى قولت عليها

ثانياً:- الدبلومـــــه

وقت التقديم فيها بعد سنتين من التخرج
ولازم تشتغل سنتين فى مجالك وتجيب شهادة خبره بيهم بعد كده تقدم
بتاخد من مقبول ومدتها سنتين وحقك تحصل عليها بحد اقصي خﻻل 3 سنوات

نفس الاوراق المطلوبة والمصروفات 700 جنيه

بعد النجاح فى السنتين بتاخد شهادة باسم الدبلومة ومينفعش تعمل بالدبلومة ماجستير لانه الماجستير طريق والدبلومات طريق تانى خالص

التويفل مش مطلوب دلوقتى بيكون مطلوب بعد النجاح فى التمهيدى وفبل التسجيل

الأوراق المطلوبه للتقديم

المطلوب للدراسات العليا والفرق بين الماجستير والدبلومه والمقررات الدراسيه

ملاحظات على الاوراق المطلوبه

شهادة تقدير الاربع سنوات
لما تروح تجيبها من شؤن الطلاب هيقلك تعالى بعد 15 يوم
انت سيبك منه خالص وروح لشؤن الخريجين هتجيب ورقة افاده من عندهم وتقدمها من اوراقك فى الماجستير

الموقف من التجنيد
لو انت دفعه تانيه فى الجيش هتروح ادارة التجنيد تجيب من عندهم موقفك من التجنيد علشان تقدم فى الماجستير
واسمها 110 جند

وقت التقديم للدبلومه
لازم يعدى على سنة التخرج سنتين
وتجيب شهادة خبره من الشركه اللى هتشتغل فيها السنتين دول فى مجال الدبلومه اللى عايز تقدم عليها