السلام عليكم ورحمة الله وبركاته
اهلاً بكم زوار واعضاء معلومه ديليفرى الكرام
موعدنا اليوم مع
أسئلة الانترفيو فى المجال المحاسبى والاستعداد لها
كاتب الموضوع
الزميل: محمود فوزى
الزميل : محمد يحيى
 |
| أسئلة الانترفيو فى المجال المحاسبى والاستعداد لها interview questions |
الزميل: محمود فوزى
الزميل : محمد يحيى
كيف تكون محاسب ناجح ؟
عليك بأتباع الخطوات التالية:
اولا : المحاسبة
1- حاول جاهد ان تتفوق في المحاسبه اولا تقرا الكتب (الكتب )وليس الملخصات لانك اذا فقدت مهاره التعامل مع الكتب لن تعرف ان تتعامل مع الشهادات الكبيره مثل CMA او غيرها
2-المحاسبه علم له اصول وقواعد منها ماهو ثابت ومنها ما هو متغيير فيجي ان تكون مواكب التغيرات الحادثه في مجال المحاسبه بالقراءه المتوسعه والاختلاط بالاساتذه الكبار
3- المحاسبه فن له اسلوب متنوع في التطبيق وطرق مختلفه لذا يجب ان تكون ملم بهذi الطرق (العمليه )
اذن مما سبق
اولا لازم تكون فاهم محاسبه كويس -ارجع للكتب -اسئل الاساتذه الكبار -شارك في المنتديات المحاسبيه
اولا لازم تكون فاهم محاسبه كويس -ارجع للكتب -اسئل الاساتذه الكبار -شارك في المنتديات المحاسبيه
ثانيا: اللغه الانجليزيه والكمبيوتر
حاول ان تتعلم الكمبيوتر بصفه عام ويندوز -واكسل -وورد للكتابه -واكسس لفهم بسيط لتكوين قواعد البيانات -ثم الاهم الانترنت
البعض يخطئ ويدرس قواعد بيانات بتوسع -تصميم ويب-برمجه -اوتوكاد
طبعا هي مفيده كهوايه لكن كشغل محاسبه مش هتفيدك
وانت علي الانترنت سوف تجد مشكله اخري ؟
هقولك عليها بعدين :)
الا انت خريج + فاهم محاسبه + بتعرف كمبيوتر = محاسب علي الطريق الصحيح بنسبه 50%
لتكمل ال100% من المحاسب الناجح
هتلاقي اللي بيقول اتعلم لغه ونحن لا نعلم ما الذي نتعلمه
-احدهم يقول اللغه قواعد -احدهم يقول اللغه كلمات - احدهم يقول اللغه مواقف وكل ما سبق للاسف غير صحيح
الاستماع Listening
القراءه Reading
التحدث Talking
التواصل Communicatiing
وتكون الدراسه في مركز محترم والنصيحه بعدم الاستعجال في التعلم
اذا الف مبروك اصبحت الان
محاسب =خريج يعرف محاسبه جيدا +تطبيق المحاسبه يدويا والكترونيا+متعلم كمبيوتر + يعرف لغه انجليزيه
وبعد خبره اربع او خمس سنوات علي الاقل
تبدا في دراسه الشهادات الكبيره مثل Cma Cpa Mba
الخص ما ذكرته
1- المحاسبه هي اساس الشغل واساس كل شئ
2-تعلم المحاسبه يكون من الكتب والمراجع وليس من الملخصات
3- تعلم الكمبيوتر للاستخدام العام والاستخدام المحاسبي خاصه
4- عدم الانشغال بدراسه الكورسات التي لا ترتبط بالمحاسبه الا اذا كانت هوايه مثلا
5-تعلم الانترنت واساليب Searching
بعض اسئلة interview للمحاسبين
قبل ما تشتغل لازم تمر بمقابلة العمل اللي من خلالها الموظف المسؤول في الشركة بيقرر هيختار مين …دراستك ومهاراتك وخبراتك ممكن تكون ممتازة لكن طريقة اجابتك على اسئلة المقابلة والانطباع اللي هيتاخد عنك حاجات أساسية عشان تتقبل في أي وظيفة.
في مقابلة العمل بيبقى فيه أسئلة صعبة ممكن تحتار تجاوبها ازاي وده غالبا لان الهدف منها بيبقى مش واضح بالنسبة ليك…لكن لو هنبصلها من وجهة نظر تانية، الموظف اللي بيعمل المقابلة بياخد وقت كبير جدا عشان يقابل المتقدمين لوظيفة معينة، والاسئلة الصعبة دي الهدف منها انها تختصر وقت المقابلة لأنها بتبين نقاط الضعف بشكل أكبر.
عشان كده لازم تكون جاهز لأي سؤال وعارف أفضل طريقة للرد عليه..ومن أصعب الأسئلة اللي ممكن تتسألها في مقابلة العمل:
1- قدم نفسك/ اتكلم عن نفسك.
السؤال ده على الرغم من بساطته كتير من الناس لما بتيجي تجاوب عليه بيسمّعوا السيرة الذاتية بتاعتهم وساعات بيقولوا معلومات شخصية متهمش اللي بيسأل..عشان تجاوب اجابة مناسبة على السؤال ده وتدي انطباع كويس عنك خصوصا انه بيكون أول سؤال، اتكلم عن 3 حاجات اساسية:
- دراستك،
- والشغل اللي اشتغلته قبل كده
- والخبرات اللي اكتسبتها منه، وخلي اجابتك في حدود دقيقة أو دقيقتين كحد أقصى.
في حالة انك بقالك فترة طويلة مبتشتغلش:
2- ليه قعدت طول الفترة دي مبتشتغلش؟
عشان تجاوب على السؤال ده ممكن تقول الحاجات اللي كنت بتعملها في الفترة دي، ممكن تتكلم عن أي عمل حر اشتغلته، أو عمل تطوعي أهم حاجة يبان أن الوقت ده تم استغلاله بشكل كويس.
في حالة انك بتشتغل حاليا:
3- ازاي عرفت تيجي المقابلة في وقت الشغل؟
الهدف من السؤال ده انه يعرف هل انت مثلا بتكذب على مديرك عشان تيجي المقابلة لأنك لو بتعمل كده فعلا يبقى هتكذب على مديرك الجديد كمان ….لما تجاوب على السؤال ده ممكن تقول انك واخد اليوم ده أجازة من اجازاتك، وانك بتاخد من وقتك الشخصي عشان تروح مقابلات الوظايف اللي تهمك.
4- ازاي جهزت نفسك للمقابلة؟
الهدف من السؤال ده انه يعرف انت أد ايه مهتم بالوظيفة، يعني محضّر فعلا ولا بتروح أي مقابلة لأي وظيفة وخلاص، عشان تجاوب السؤال ده بشكل مناسب لازم تقول انك مهتم جدا بالوظيفة دي وانك قبل ما تيجي اهتميت انك تعرف معلومات عن الشركة من خلال الموقع الالكتروني للشركة…ممكن كمان تسأل اسئلة تدل انك قريت عن الشركة والوظيفة فعلا…ممكن تسأل عن اختصاصات قسم من أقسام الشركة مثلا.
5- ليه المفروض أختارك للوظيفة دي؟
ده من أكتر الأسئلة اللي كتير من الناس مبتعرفش تجاوب عليها وده غالبا لانهم مش بيعملوا بحث كويس قبل المقابلة، اجابتك على السؤال ده المفروض توضح ليه انت أكتر واحد مناسب ومؤهل للوظيفة دي، إقرا كويس عن الوظيفة اللي انت مقدملها والمهام اللي هتبقى مسؤول عنها عشان تعرف المهارات الاساسية اللي الوظيفة بتحتاجها واللي هتبني عليها اجابتك بطريقة توضح ان عندك المهارات دي، ويا ريت لو تتكلم عن خبراتك في نفس المجال.
6- ايه اكتر حاجة بتضايقك في زمايلك في الشغل أو مديرينك؟
المفروض تظهر في المقابلة كشخص متفائل ومهتم بالشغل ومش بتحب المشاكل، السؤال ده معمول عشان يعرفوا هل هتعمل مشاكل بعد كده مع مديرينك أو زمايلك…يا ريت متفتكرش مواقف ضايقتك من زمايلك ومديرينك قبل كده ..ميبقاش قلبك اسود…ممكن تفكر ثواني كده وتقول انك مش فاكر أي حاجة معينة ضايقتك…يا ريت كمان لو تمدح في مديرك السابق وتقول انه كان عادل واتعلمت منه كتير، وان زمايلك كانوا متعاونين لان ده هيبين انك بتبص للأمور بإيجابية ودي مميزات هتعجب اللي بيعمل المقابلة.
7- ممكن توصفلي موقف قدرت فيه تحل مشكلة في الشغل أو الكلية؟
السؤال ده مش المفروض يفاجئك لأنه متوقع جدا، وبالرغم من كده كتير من الناس بتفوّت الفرصة دي عشان يبيّنوا مهاراتهم..جهز اجابة للسؤال ده، اتكلم مثلا عن موقف قدرت فيه تنظم الوقت بشكل كويس وقدرت فيه تنجز شغل كتير في وقت قياسي..أو أي موقف تاني يبيّن مهاراتك.
8- ممكن توصفلي موقف في الشغل أو المدرسة اتعاملت معاه بشكل خاطيء؟
خد بالك أوي وانت بتجاوب السؤال ده، اللي بيسألك عايز يفهم هل بتتعلم من أخطائك ولا بتكرر نفس الغلط كل شوية أو ممكن كمان يبقى عايز يعرف بتعترف باخطائك ولا لأ…مش مطلوب منك انك تقول قائمة باخطائك وعيوبك لأن ده ممكن يلفت نظره لعيوبك ويقلل من فرصك في انك تتقبل في الوظيفة.. ممكن تقول خطأ بسيط عملته بحسن نية ولازم تقول بعدها الدرس اللي اتعلمته من الخطأ ده واللي خلاك متكرروش تاني.
9- نفسك تشتغل فين؟
الهدف من السؤال انه يتأكد انك مهتم فعلا بالوظيفة، ويُفضل انك متقولش اسم شركة تانية أو وظيفة تانية، الهدف من المقابلة انك تبين اسباب كونك الشخص المناسب للوظيفة اللي انت مقدملها، الاجابة المناسبة على السؤال ده ممكن تكون باختصار: “انا مهتم بالوظيفة دي وده المكان اللي نفسي اشتغل فيه”.
10- لو كسبت الياناصيب وبقيت مليونير، هتكمل شغل؟
صحيح ان السؤال شكله ساذج، بس هو يبين الدوافع اللي بتخليك تشتغل وبيدي فكرة عن اخلاقيات العمل عندك، ممكن تقول انك أكيد هتبقى سعيد لو بقيت مليونير، لكن كمان لازم ساعتها تشتغل وتعمل حاجة مفيدة وليها قيمة لان الفلوس مش كل حاجة والشغل برضه بيخليك مبسوط.
لو اتسألت سؤال مش عارف اجابته متقلقش، ممكن تطلب وقت أكبر للتفكير في السؤال أو ممكن تطلب انك ترجع للسؤال ده في الاخر، او ببساطة تقول انك مش عارف الاجابة وانك تفضل تبحث اكتر لانك مش حابب تخمن، ولو جاوبت كويس في باقي الاسئلة مش هتترفض لمجرد انك مجاوبتش على سؤال واحد
1- ايه الفرق بين الميزانية والمركز المالي ؟؟؟
طبعا سؤال سهل .. مش كده :)
المركز المالي : هو قائمة توضح أصول وخصوم المنشأة ... يعني حقوق والتزامات المنشأة ... يعني ايه اللي للمنشأة وايه اللي عليها في أي يوم في السنة .
يعني في أي يوم نيجي نروح عاملين موقف للمنشأة عارفين ايه اللي ليها وايه اللي عليها ونحطه في صورة قائمة تبقى دي اسمها المركز المالي.
طب ايه هي الميزانية العمومية ؟
هي : مركز مالي .....
ايه مركز مالي ... يعني أصول وخصوم المنشأة ... حقوق والتزمات المنشأة
طب ايه الفرق ؟ الفرق ان الميزانية العمومية هي مركز مالي للمنشأة في نهاية السنة المالية. يعني في نهاية السنة المالية في آخر يوم في 31/12/2006 مثلا بنعرف حقوق والتزامات المنشأة فتبقى اسمها الميزانية العمومية
2- ايه الفرق بين الميزانية والموازنة ؟؟؟
الميزانية العمومية : هي زي ما قلنا عبارة عن قائمة توضح أصول وخصوم المنشأة ... حقوق والتزمات المنشأة في نهاية السنة المالية وبتكون معها الحسابات الختامية ( حـ / المتاجرة وحـ/ الأرباح والخسائر ) اللي بيوضحوا نتيجة نشاط المنشأة من ربح أو خسارة عن الفترة المالية السابقة .
يعني ايه ؟؟! يعني ان الحسابات الختامية هي اللي بتوضح مصروفات السنة اللي فاتت الفعلية وايرادات السنة اللي فاتت الفعلية لكن الميزانية العمومية توضح حقوق والتزامات المنشأة في نهاية السنة .
طب ايه هي الموازنة ؟؟؟
الموازنة التقديرية : هي عبارة عن تقدير لايرادات ومصروفات المنشأة للسنة القادمة أو لعدة سنوات قادمة.
3- ايه الفرق بين المصروفات الايرادية والمصروفات الرأسمالية ؟؟؟
أولا نحب نعرف ايه هو المصروف :
هو عبارة عن نفقة ( يعني --> فلوس بادفعها ) في سبيل الحصول على ايراد.
يعني بادفع مثلا ايجار للمحل ... ليه ؟؟ علشان أبيع منه واحصل على الايراد.
بادفع مثلا أجور ومرتبات للعاملين ... ليه ؟؟ علشان ينتجوا واحصل على الايراد.
يبقى المصروف بادفعه في سبيل الحصول على الايراد.
المصروف الايرادية : هو مصروف يحقق الايراد في نفس السنة المالية .
المصروف الرأسمالي : هو مصروف يحقق الايراد في عدة فترات مالية ويؤدي إلى زيادة الطاقة الانتاجية للمنشأة .
يعني مثلا : مصروف الأجور والمرتبات بتدفع كل شهر عن عمل الموظفين عن الشهر يعني كل شهر بيأخدو مرتباتهم فيها بيدخلوا للمنشأة ايراد في نفس الشهر ..... يبقى مصروف الأجور والمرتبات مصروف ايرادي .
ومثلا : م الدعاية والإعلان ... الشركة مثلا عملت حملة اعلانية ضخمة استفادت بها المنشأة على كذا سنة .. يعني ساعدت على تحقيق الايرادات خلال عدة سنوات ... يبقى المصروف ده مصروف رأسمالي .
مثال تاني :- مصروف الصيانة ... عملنا صيانة للآلات والمعدات للمنشأة علشان ترجع تنتج تاني يبقى المصروف ده مصروف إيرادي .
طب لوجينا عملنا صيانة للألات مش علشان ترجع تشتغل تاني بس ولكن تزيد طاقتها الانتاجية يعني بدل ما تنتج مثلا عشر وحدات خليناها تنتج 15 وحدة يعنى زودنا كفائتها الانتاجية والزيادة دي مش هتكون في أول سنة بس ؟؟ لا طبعا ... في السنين المتتالية اللي بعديها . يبقى المصروف ده في هذه الحالة مصروف رأسمالي.
4- ما الفرق بين المخصص والاحتياطي ؟؟
أولا : نحب نقول لكم على حاجة الأول ...
أي منشأة صاحبها بيعملها علشان يكسب من ورائها أرباح يستفيد بيها .... وعلشان صاحب المنشأة أو الشركة مش يفضل يسحب فلوس من الشركة لحد ما تتعدى رأس ماله ... حددنا في المحاسب جزء أو ( حساب بمعنى المحاسبين ) هو ده بس اللي يسحب منه .... لأن بعد كده هيبدأ يستهلك رأسماله في الشركة .... وطبعا لو فضل على الحالة دي (( يعني يسحب من رأسماله )) هيفاجأ إن الشركة مش بتاعته بقت بتاعة الدائنين اللي عاوزين حقوقهم .... وبالتالي هيعلن افلاسه.
علشان كده قلنا لازم نخلي حساب خاص للأرباح هو بس اللي يتسحب منه الفلوس .
يعني ممكن نعرف الأرباح : على أنها الزيادة في حقوق الملكية لأصحاب المنشأة .
وأيضا ممكن نعرف الخسائر : على أنها النقص في حقوق الملكية لأصحاب المنشأ’ة.
نرجع لموضوعنا ... الفرق بين المخصص والاحتياطي
المخصص والاحتياطي ... الاثنين مبلغ يستقطع من الربح لمواجهة خسارة متوقعة .
واحنا طبعا عارفين مبدأ الحيطة والحذر: اللي هو إنه ينبغي على الشركة تحطاط لكل خسارة متوقعة وتحذر من كل إيراد غير محقق.
الفرق إن المخصص بيتم تكوينه في حالة تحقق ربح أو تحقق خسارة يعني جبري ( فرضته مبادئ ومعايير المحاسبة ).
لكن الاحتياطي لا يتم تكوينة إلا في حالة وجود أرباح فقط وبيكون اختياري على المنشأة ( إلا البنوك وشركات التأمين).
فرق تاني إن المخصص بيكون لمواجهةخسارة حقيقة أو متوقعة بنسبة كبيرة ( مثل مخصص الاهلاك ).
أما الاحتياطي بيكون لمواجهة خسارة متوقعة ولكن احتمال وقوعها ضئيل (مثل مخصص ارتفاع أسعار الأصول الثابتة )
يعني بيكون لتدعيم المركز المالي.
يعني بيكون لتدعيم المركز المالي.
5- ما هو الحساب الذي لا يظهر ضمن ميزان المراجعة ؟؟
الله ... يا سلام ... سؤال سهل جدا .... :)
أولا : لازم نعرف الحسابات اللي بتظهر في ميزان المراجعة بتظهر ليه ؟؟! لأن ميزان المرجعة محصلة وملخص لعمليات سابقة عليه هي مراحل نظام المحاسبة اللي هي :-
تجميع الأحداث الماليه ---------> تسجيل الأحداث المالية في قيود يومية --------> تبويب الأحداث المالي في حـ/ الأستاذ ------------> تليخص العمليات السابقة في ميزان المراجعة
طب ايه هو الحساب أو البند الذي لا يمر بكل هذه المراحل .... ؟؟؟
بضاعة آخر المدة .... لأنها تكون نتيجة جرد وليس نتيجة قيد يومية ، يعني بيتم جرد البضاعة وتقييمها ثم وضع قيمتها مرة دائن في حـ/ المتاجرة ومرة مدينة في الميزانية العمومية تحت بند الأصول المتداولة
س6 : هل راس المال اصل ام خصم ؟
الاجابة : انه ضمن حقوق الملكية وليس خصم و لا اصل .
و حقوق الملكية هى :
إلتزامات على الشركة لأصحابها لا يرد إلا عند التصفية ،
بينما الخصوم هي إلتزام على الشركة للغير يجب دفعه أثناء حياة الشركة .
بينما الخصوم هي إلتزام على الشركة للغير يجب دفعه أثناء حياة الشركة .
- وتتكون حقوق الملكية من :_
1.رأس المال . 2. الإحتياطيات . 3. الأرباح أو الخسائرالمحتجزة أو المرحلة.
4. صافي ربح أوخسارة العام ( إن لم يوزع ) . وفي توزيعه يظهر تحت مسمى جاري الشــريك (منشأة فردية أو شركة أشخاص) أو دائنو توزيعات ( شركة أموال ) تحت مسمى خصوم متداولة .
س7 : راس المال و راس المال العامل و راس المال المستثمر ؟ ايهما اكبر قيمة ؟ وما الفرق ببنهم؟
الاجابة :- راس المال المستثمر هو الاكبر قيمة نظراً لانه يساوي
= الأصول طويلة الأجل + رأس المال العامل
= حقوق الملكية + الخصوم طويلة الأجل
- بما ان راس المال جزء من حقوق الملكية كما هو الحال فى اجابة السؤال الاول فأن راس المال العامل و راس المال جزء من راس المال المستثمر لذلك فهو الاكبر
- اما راس المال العامل فهو الفرق بين = الأصول المتداولة – الخصوم المتداولة ....
س8 : ما الفرق بين المدنيين و العملاء ؟
- حسابات العملاء جزء حـ/ المدنيين ....
-حيث ان حساب المدينين يضم (1)العملاء "مستحقات المنشأة عن مزاولة النشاط الرئيسي لها بالأجل",
(2)ارصدة مدنية اخرى * أرصدة مدينة, مستحقات,سلف عاملين,عهد مالية ,مصروف مقدم ,إيراد مستحق, عجز غير مسموح بالخزينة والمخازن*.
(2)ارصدة مدنية اخرى * أرصدة مدينة, مستحقات,سلف عاملين,عهد مالية ,مصروف مقدم ,إيراد مستحق, عجز غير مسموح بالخزينة والمخازن*.
س 9 :أسهم الخزينة تعتبر استثمارت قصيرة الاجل ؟
هى عملية تخفيض لحقوق الملكية بان تقوم الشركة باعادة شراء اسهمها من المساهمين لغرض مثل المحافظة على سعر السهم او توفير سيولة نقدية...على ان تقوم الشركة بيعيها خلال نفس العام....اذا هى حقوق ملكية...
س10 :هل يثبت المخزون فى الدفاتر بالقيمة السوقية ,ام التكلفة ؟
بالقيمة السوقية أو تكلفة الاقتناء أيهما أقل و ذلك في آخر المدة أما عند الشراء فيثبت بتكلفة الاقتناء.
س11 : هل المشتريات تعتير مصروفات ؟
أذا كانت المشتريات بغرض البيع فأنها تعتبر واحدة من اهم حسابات الرئيسية للمصروفات , أما اذا لغرض الاستخدام فإنها تعتبر احد الاصول ,
نصائح للمقابلات الشخصيه
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
ليست هناك تعليقات:
إرسال تعليق